რუსლან სივაკოვი - ბრალდება სრული აბსურდია - გაუმარჯოს საქართველოს, თავისუფლება პოლიტპატიმრებს, დიდება უკრაინას
03.09.2025 ნახვები: 267
ბრალდება სრული აბსურდია. დარწმუნებული ვარ, ყოველი საღად მოაზროვნე ადამიანი დამეთანხმება იმაში, რომ პროკურატურას მშვენივრად ესმის, მაგრამ არ უნდათ რომ ამ ფაქტებს დაეთანხმონ - იყოს, რაც არის, არის, შეიძლება, ძალიან ბევრი რამე ვისაუბროთ ჩვენი ბრალდების გარშემო, მაგრამ ამაში აზრს ვერ ვხედავ, რამდენადაც ყველაფერი ნათქვამია, - ამის შესახებ ჯგუფურ ძალადობაში მონაწილეობის ბრალდებით დაკავებულმა რუსლან სივაკოვმა სასამართლო სხდომაზე განაცხადა, სადაც მან საბოლო სიტყვა წარმოთქვა.
მისივე თქმით, მთავარია, მოსამართლემ „ყველა უარყოფითი და დადებითი აწონ- დაწონოს და სამართლიანი და ჭეშმარიტი გადაწყვეტილება გამოიტანოს”. მისივე განცხადებით, მას ამის სჯერა.
„მადლობის სიტყვები მინდა წარმოვთქვა. გულით და სულით მადლობას ვუხდი ყველა იმ ადამიანს, ვინც ამდენი ხანი იყო და იქნება ჩვენს გვერდზე. ამ არც ისე იოლ პერიოდში, დიდი მადლობა მინდა ვთქვა თქვენი კოლოსალური მხარდაჭერისთვის, თქვენ საუკეთესოები ხართ. აგრეთვე, მთელი სულით და გულით მადლობას ვუხდი, ადვოკატების მთელ კოალიციას, ისინი მართლაც რომ სამართლიანად და პროფესიონალურად იბრძოდნენ ჩვენი თავისუფლებისთვის და ისედაც ძალიან კარგი და სამართლიანი ადამიანები არიან.
ჩემო მეგობრებო, მე გულწრფელად მოხარული ვარ, რომ თქვენ გაგიცანით და ცოტა არ იყოს გულდაწყვეტილი ვარ, რომ ასეთ ვითარებაში გაგიცანით, მაგრამ აქ მე ვერანაირ საშიშროებას ვერ ვხედავ. მთავარია, მომავალში ჩვენ აუცილებლად შევცვლით ვითარებას, უფრო კეთილგანწყობილებით და ერთმანეთში კარგ ურთიერთობას დავამყარებთ..
რაც შეეხება ბრალდებას, ეს არის სრული აბსურდი. დარწმუნებული ვარ, რომ ყოველი საღად მოაზროვნე ადამიანი დამეთანხმება მე იმაში, რომ პროკურატურას მშვენივრად ესმის, მაგრამ არ უნდათ რომ ამ ფაქტებს დაეთანხმონ.
იყოს, რაც არის, არის. შეიძლება ძალიან ბევრი რამე ვისაუბროთ ჩვენი ბრალდების გარშემო, მაგრამ მე ამაში აზრს ვერ ვხედავ, რამდენადაც ყველაფერი ნათქვამია.
ახლა მთავარია, მოსამართლე ყველა უარყოფითი და დადებითი აწონ - დაწონოს და გამოიტანოს სამართლიანი და ჭეშმარიტი გადაწყვეტილება. მე არ მჯერა, რომ ეს ასე მოხდება....
გაუმარჯოს საქართველოს, თავისუფლება პოლიტპატიმრებს, დიდება უკრაინას“,- განაცხადა რუსლან სივაკოვმა, რომლის საბოლოო სიტყვასაც „რადიო თავისუფლება“ ავრცელებს.
ბრალდებულის განცხადებას სასამართლო სხდომაზე თარჯიმანი თარგმნიდა.
IPN
