მშვიდობაზე საუბარი დაბომბვების ესკალაციის და სამთავრობო შენობებისა და სახლების მიზანში ამოღების პარალელურად - ეს „მშვიდობის“ პუტინისეული ვერსიაა, - ამის შესახებ ევროპული საბჭოს პრეზიდენტი, ანტონიო კოშტა სოციალურ პლატფორმა X-ზე წერს.
მისი თქმით, ომი რუსეთმა დაიწყო და ის ირჩევს მის გაგრძელებას.
„უნდა გავაგრძელოთ არეული კურსი: გავაძლიეროთ უკრაინის თავდაცვა და გავაძლიეროთ ზეწოლა რუსეთზე დამატებითი სანქციების მეშვეობით, ჩვენს მოკავშირეებთან და პარტნიორებთან მჭიდრო კოორდინაციით. ჩემი ფიქრები დაღუპულებთან, დაშავებულებთან და მათ ოჯახებთანაა. უკრაინელი ხალხის ძალა და გამძლეობა კვლავაც ყველას შთაგვაგონებს“, - წერს ევროპული საბჭოს პრეზიდენტი.
შეგახსენებთ, რუსეთმა უკრაინას 800-ზე მეტი დრონით და რაკეტით შეუტია. დაზიანდა სამოქალაქო ინფრასტრუქტურა. არიან დაღუპულები და დაშავებულები. თავდასხმის შედეგად, დედაქალაქ კიევში მთავრობის შენობაც დაზიანდა.
