კორუფციულ დანაშაულში მხილებულ საჯარო მოხელეებსა და პოლიტიკური თანამდებობის პირებს, 30 წლის განმავლობაში ქონებრივი დეკლარაციების შევსების ვალდებულება ექნებათ
11.11.2025 ნახვები: 463
პარლამენტმა მესამე მოსმენით მხარი დაუჭირა ცვლილებებს, რომლის ამოქმედების შედეგად საჯარო მოხელეებს და პოლიტიკური თანამდებობის პირებს, რომლებიც სასამართლოს მიერ რიგ კორუფციულ დანაშაულში იქნებიან მხილებულნი, 30 წლის განმავლობაში ქონებრივი დეკლარაციების შევსების და მისი ანტიკორუფციული ბიუროსთვის წარდგენის ვალდებულება ექნებათ.
„კორუფციის წინააღმდეგ ბრძოლის შესახებ“ კანონში დაგეგმილი ცვლილებები 85-ხმით, ერთხმად დაამტკიცეს.
საკანონმდებლო ცვლილებების ინიციატორი „ქართული ოცნებაა“.
უმრავლესობის დეპუტატების შეფასებით, აღნიშნული კანონი უზრუნველყოფს მართლსაწინააღმდეგოდ მიღებული ქონების გამოვლენას, დანაშაულის პრევენციის ხელშეწყობას და იმ ზიანის ანაზღაურების შესაძლებლობას, რომელიც სახელმწიფოს თანამდებობის პირის დანაშაულებრივი ქმედების შედეგად მიადგა.
აღნიშნული საკანონმდებლო ცვლილების ინიციატორები მიიჩნევენ, რომ ახალი კანონი კორუფციის წინააღმდეგ ბრძოლას კიდევ უფრო ეფექტიანს გახდის, რაც გამოიხატება კონკრეტულ სამოხელეო თუ ფინანსური სარგებლის მიღებასთან დაკავშირებულ დანაშაულში მხილებული ადამიანების ქონებრივი მდგომარეობის 30 წლის მანძილზე აქტიურ დაკვირვებაში.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
