დონალდ ტრამპმა ხელი მოაწერა კანონპროექტს ეპშტეინის ფაილების გასაჯაროების შესახებ
20.11.2025 ნახვები: 213
აშშ-ის პრეზიდენტმა, დონალდ ტრამპმა ხელი მოაწერა კანონპროექტს, რომელიც სექსუალური ტრეფიკინგის საქმეში ბრალდებულ ჯეფრი ეპშტეინთან დაკავშირებული ყველა ფაილის გამოქვეყნებას ითვალისწინებს.
კანონპროექტი იუსტიციის დეპარტამენტს ავალდებულებს, 30 დღის განმავლობაში გამოაქვეყნოს ეპშტეინის საქმეზე მიმდინარე გამოძიებიდან ყველა ინფორმაცია მოძიებადი და ჩამოსატვირთი ფორმატით.
„შესაძლოა, „დემოკრატების“ და ჯეფრი ეპშტეინთან მათი კავშირის შესახებ სიმართლე მალე გამოვლინდეს, რადგან მე ახლახან მოვაწერე ხელი კანონპროექტს ეპშტეინის ფაილების გასაჯაროების შესახებ!“ - დაწერა ტრამპმა სოციალურ პლატფორმა Truth Social-ზე.
ტრამპის მხარდაჭერით, კანონპროექტი გუშინ კონგრესის ორივე პალატამ, წარმომადგენელთა პალატამ და სენატმა დაამტკიცა.
ცნობისთვის, ფინანსისტ ჯეფრი ეპშტეინს სექსუალური ტრეფიკინგის საქმეზე ბრალი 2019 წელს წაუყენეს. ოფიციალური ცნობებით, ეპშტეინი ათობით არასრულწლოვანის სექსუალურ ტრეფიკინგს ეწეოდა. ის ციხეში გარდაიცვალა
