აშშ-ში ცხოვრების უფლების მისაღებად 1 მილიონი დოლარის ღირებულების „ოქროს ბარათის“ პროგრამა ამოქმედდა
11.12.2025 ნახვები: 360
აშშ-ში ცხოვრების უფლების მისაღებად 1 მილიონი დოლარის ღირებულების „ოქროს ბარათის“ პროგრამა ამოქმედდა, - ინფორმაციას Reuters-ი ავრცელებს.
„ოქროს ბარათის“ პროგრამის ფარგლებში უცხო ქვეყნის მოქალაქეები აშშ-ში ბინადრობის უფლების მოპოვებას დაჩქარებული წესით შეძლებენ.
განაცხადის შევსება ვებ გვერდზე, Trumpcard.gov-ზე 15 000 დოლარის გადახდის შემდეგ არის შესაძლებელი.
შემოწმების პროცესის წარმატებით გავლის შემდეგ კანდიდატებს 1 მილიონი დოლარის ოდენობის „შემოწირულობის“ გადახდა მოუწევთ.
„ფაქტობრივად, ეს მწვანე ბარათია, მაგრამ ბევრად უკეთესია. ბევრად უფრო ძლიერია“, - განუცხადა დონალდ ტრამპმა თეთრ სახლში ჟურნალისტებს.
აშშ-ის ვაჭრობის მდივანმა, ჰოვარდ ლუტნიკმა განაცხადა, რომ წინასწარი რეგისტრაციის ეტაპზე დაახლოებით 10 000 ადამიანი დარეგისტრირდა.
„ველი, რომ დროთა განმავლობაში ათასობით ბარათს გავყიდით და მილიარდობით დოლარს მივიღებთ“, - აღნიშნა ლუტნიკმა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
