ახლო აღმოსავლეთში ორწლიანი ომის შემდეგ, კათოლიკე მორწმუნეები ბეთლემში შობის აღსანიშნავად კვლავ შეიკრიბნენ

კათოლიკე მორწმუნეები, ახლო აღმოსავლეთში ორწლიანი ომის შემდეგ, ბეთლემში, მანგერის მოედანზე შობის აღსანიშნავად კვლავ შეიკრიბნენ.

ბეთლემში ომის დროს შობას აღარ აღნიშნავდნენ. ოთხშაბათს კი მანგერის მოედანზე გიგანტური ნაძვის ხე დაბრუნდა და ომის დროს ნანგრევებითა და ეკლიანი მავთულხლართებით გარშემორტყმული ჩვილი იესოს შობის სცენა დროებით ჩაანაცვლა.

მედიის ინფორმაციით, ბეთლემის სთარ სთრითზე გამართულ აღლუმში ასობით ადამიანი მონაწილეობდა, მოედანზე კი უამრავი ხალხი შეიკრიბა.

ამასთან, რომის პაპმა ლეო XIV-მ წმინდა პეტრეს ბაზილიკში შუაღამის საშობაო წირვა პირველად აღავლინა.

წმინდა პეტრეს ტაძარში, პუანსეტიებით მორთულ უზარმაზარ ბაზილიკაში, წირვას დაახლოებით 6000 ადამიანი დაესწრო, 5000 ადამიანი კი წირვას გარეთ, მოედანზე, გიგანტურ ეკრანებზე ადევნებდა თვალს.

დღეს რომის პაპი შობის დღის წირვას აღავლენს.