დონალდ ტრამპი - ვენესუელის პრეზიდენტის მოვალეობის შემსრულებელი თუ სწორად არ მოიქცევა, ძალიან დიდ საფასურს გადაიხდის
05.01.2026 ნახვები: 254
აშშ-ის პრეზიდენტი დონალდ ტრამპი ვენესუელის ვიცე-პრეზიდენტსა და პრეზიდენტის მოვალეობის შემსრულებელს, დელსი როდრიგესს აფრთხილებს და აღნიშნავს, რომ თუ ის სწორად არ მოიქცევა, დიდ საფასურს გადაიხდის.
„თუ ის სწორად არ მოიქცევა, ძალიან დიდ საფასურს გადაიხდის, ალბათ მადუროზე უფრო დიდს“, – განაცხადა ტრამპმა The Atlantic-თან საუბარში.
შეერთებული შტატების პრეზიდენტის განცხადებით, ვენესუელაში „რეჟიმის ცვლილება“ საჭიროა.
„იცით, აღდგენა და რეჟიმის ცვლილება, როგორც არ უნდა დაარქვათ, უკეთესია, ვიდრე ის, რაც ახლა გაქვთ. უარესი ვეღარაფერი იქნება“, – აღნიშნა დონალდ ტრამპმა.
ამასთან, დონალდ ტრამპის თქმით, გრენლანდიის შეძენა აშშ-ის თავდაცვისთვის აუცილებელია.
„ჩვენ მართლაც გვჭირდება გრენლანდია, აბსოლუტურად. თავდაცვისთვის გვჭირდება“, – განაცხადა ტრამპმა.
