ნორვეგიაში დაფუძნებული ადამიანის უფლებათა დამცველი ორგანიზაციის (IHRNGO) მონაცემებით, ირანში მიმდინარე საპროტესტო აქციებზე, სულ მცირე, 648 ადამიანი დაიღუპა. ამის შესახებ „ბიბისი“ წერს.
მათივე ცნობით, ქვეყნის მასშტაბით დაახლოებით 10 600 აქტივისტია დაკავებული.
ამასთან, 96 საათზე მეტია, რაც ირანის მოსახლეობის უმეტესობას ინტერნეტზე წვდომა არ აქვს.
ცნობისთვის, ირანში დემონსტრაციები, მე-16 დღეა, გრძელდება. თავდაპირველად, თეირანის ქუჩებში მაღაზიების გამყიდველები გავიდნენ, რათა უკმაყოფილება გამოეხატათ ირანული ვალუტის გაუფასურების გამო. შემდეგ მათ სტუდენტებიც შეუერთდნენ. ირანმა საპროტესტო აქციებისას დაღუპულთა პატივსაცემად სამდღიანი ეროვნული გლოვა გამოაცხადა.
