ირანში საპროტესტო აქციების დროს დაღუპულთა რიცხვი 3000-ს აჭარბებს, - ინფორმაციას Reuters-ი უფლებადამცველ ორგანიზაცია HRANA-ზე დაყრდნობით ავრცელებს.
აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ცნობით, ირანში ანტისამთავრობო დემონსტრაციების დაწყების შემდეგ, სულ მცირე, 3 090 ადამიანი დაიღუპა.
ორგანიზაციას გადამოწმებული ინფორმაციის საფუძველზე აცხადებს, რომ დაღუპულთა შორის 2 885 დემონსტრანტია.
ამასთან, Reuters-ი წერს, რომ ბოლო ოთხი დღის განმავლობაში თეირანში სიმშვიდეა და მასშტაბური საპროტესტო აქციები აღარ მიმდინარეობს.
ასევე, გამოცემის ინფორმაციით, ინტერნეტის სრული გათიშვის შემდეგ ირანში ინტერნეტზე წვდომა გაიზარდა.
აშშ-ის პრეზიდენტმა, დონალდ ტრამპმა განაცხადა, რომ ირანმა დემონსტრანტების სიკვდილით დასჯის შესახებ მიღებული გადაწყვეტილება გააუქმა.
„დიდ პატივს ვცემ იმ ფაქტს, რომ ირანის ხელმძღვანელობამ ყველა დაგეგმილი ჩამოხრჩობა, 800-ზე მეტი, გააუქმა“, - აღნიშნა აშშ-ის პრეზიდენტმა.
