ნატო-ში აშშ-ის ელჩი - მჯერა, უკრაინაში მშვიდობასთან უფრო ახლოს ვართ, ვიდრე ოდესმე
11.02.2026 ნახვები: 276
ჯერ კიდევ არ არის განსაზღვრული ზუსტად, როდის მოაწერენ ხელს აშშ-ისა და უკრაინის პრეზიდენტები სამშვიდობო შეთანხმებას, თუმცა უკრაინაში მშვიდობა უფრო ახლოსაა, ვიდრე ოდესმე, – ამის შესახებ ნატო-ში აშშ-ის ელჩმა, მეთიუ უიტაკერმა განაცხადა.
მისივე განცხადებით, დონალდ ტრამპი და ვოლოდიმირ ზელენსკი სამშვიდობო შეთანხმების დოკუმენტს ხელს მოაწერენ მაშინ, როდესაც სწორი და შესაფერისი დრო დადგება.
„ამას გამუდმებით ვიმეორებ, რადგან ამის არა მხოლოდ მჯერა, არამედ ძალიან ყურადღებით ვაკვირდები, რა ხდება მოლაპარაკებების დროს. მჯერა, ჩვენ უკრაინაში მშვიდობასთან უფრო ახლოს ვართ, ვიდრე ოდესმე“, – განაცხადა ნატო-ში აშშ-ის ელჩმა.
ამასთან, როგორც მეთიუ უიტაკერმა აღნიშნა, უკრაინამ უნდა მიიღოს ყველაფერი, რაც თავდაცვისთვის სჭირდება.
„ჩვენ უნდა გავაგრძელოთ მშვიდობისთვის ლოცვა, მაგრამ ამავდროულად უნდა უზრუნველვყოთ, რომ უკრაინამ PURL-ისა და სხვა ინიციატივების მეშვეობით განაგრძოს ყველაფრის მიღება, რაც მას თავდაცვისთვის სჭირდება“, – აღნიშნავს უიტაკერი.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
