პოლონეთის პოლიციამ საქართველოს ოთხი მოქალაქე დააკავა
11.02.2026 ნახვები: 171
ვარშავის პოლიციის თანამშრომლებმა, კონტრტერორისტულ სამსახურთან თანამშრომლობით, ვიელუნის დასახლებაში საქართველოს ოთხი მოქალაქე დააკავეს, - ინფორმაციას პოლონური მედია ავრცელებს.
მათივე ინფორმაციით, ოპერაციაში სასაზღვრო დაცვის თანამშრომლებიც მონაწილეობდნენ.
გავრცელებული ინფორმაციით, ეს იყო ლიეტუვის სასამართლო სისტემის მიერ ინიცირებული მასშტაბური ოპერაცია, რომელმაც მის ქვეყანაში ძებნილი ერთ-ერთი ქართველის დაკავების ორდერი გასცა.
პოლონური მედია წერს, რომ ძებნილ ქართველთან ერთად, ოფიცრებმა მისი კიდევ სამი თანამემამულე დააკავეს.
სასაზღვრო დაცვის თანამშრომლები პოლონეთში მათი ყოფნის კანონიერებას ამოწმებენ. გავრცელებული ინფორმაციით, მათი პოლონეთიდან გაძევების შესახებ გადაწყვეტილებას უახლოეს მომავალში მიიღებენ.
