უკრაინის პრეზიდენტი ვოლოდიმირ ზელენსკი გერმანიაში მიუნხენის უსაფრთხოების კონფერენციაში მონაწილეობის მისაღებად ჩავიდა.
როგორც ზელენსკიმ აღნიშნა, მიუნხენის უსაფრთხოების კონფერენციაზე უკრაინისა და ევროპის უსაფრთხოების მიმართულებით ახალი ნაბიჯები გადაიდგმება
„ეს მნიშვნელოვანი დღეა და ჩვენი საერთო უსაფრთხოების, უკრაინისა და ევროპის უსაფრთხოების მიმართულებით ახალი ნაბიჯები გადაიდგმება. გეგმა მოიცავს დრონების წარმოების პირველი ერთობლივი უკრაინულ-გერმანული საწარმოს შექმნას, ასევე პარტნიორებთან ორმხრივ და მრავალმხრივ შეხვედრებს. ჩვენ გვჭირდება მეტი ერთობლივი წარმოება, მეტი მდგრადობა, მეტი კოორდინაცია და ეფექტურობა ევროპაში ჩვენი საერთო უსაფრთხოების არქიტექტურის. ყველაზე მნიშვნელოვანი, რისი მიღწევაც შეგვიძლია, არის ომის დასრულება ღირსეული მშვიდობით და უკრაინისა და მთელი ევროპისთვის საიმედო უსაფრთხოების გარანტიების შექმნა, რათა ევროპაში დაცვის გარეშე დარჩენის არავის ეშინოდეს. მადლობა ყველას, ვინც გვეხმარება“, – წერს ვოლოდიმირ ზელენსკი სოციალურ ქსელში.
