ამის შესახებ დღევანდელ სასამართლო სხდომაზე გახდა ცნობილი, სადაც აღნიშნული ოთხი მსჯავრდებულის საქმე ძირითადი საქმისგან ცალკე გამოიყო.
პროკურორმა ვაჟა თოდუამ სასამართლო პროცესზე საპროცესო შეთანხმების პირობები დაასახელა. მისი განმარტებით, ოთხივე მსჯავრდებულისთვის შეთანხმება ერთნაირ სასჯელს ითვალისწინებს.
საპროცესო შეთანხმების გაფორმების აუცილებელი წინაპირობა ბრალის აღიარებაა. შესაბამისად, შეთანხმების დასამტკიცებლად მსჯავრდებულებმა მათთვის წარდგენილი ბრალდება უნდა აღიარონ.
პროკურატურასა და მსჯავრდებულებს შორის მიღწეული შეთანხმება საბოლოოდ სააპელაციო სასამართლომ უნდა დაამტკიცოს. შესაბამისი სასამართლო სხდომის თარიღი ჯერჯერობით დანიშნული არ არის.
შეგახსენებთ, მურთაზ ზოდელავა და ლაშა ბერიძე „4 ოქტომბრის საორგანიზაციო კომიტეტის“ წევრები არიან. მათ 2026 წლის 7 მაისს სასამართლომ შვიდ-შვიდი წლით თავისუფლების აღკვეთა მიუსაჯა, ხოლო გური ჟვანიასა და ირაკლი ჩხვირკვიას — ხუთ-ხუთი წლით.
საპროცესო შეთანხმების დამტკიცების შემთხვევაში, ოთხივე მსჯავრდებულისთვის თავდაპირველად განსაზღვრული სასჯელი შეთანხმებით გათვალისწინებული პირობებით შეიცვლება.
ამ ეტაპზე შეთანხმება სასამართლოს მიერ დამტკიცებული არ არის, შესაბამისად, ახალი სასჯელის პირობები საბოლოოდ ძალაში ჯერ არ შესულა.
