გაიზარდა იმ ქვეყნების ჩამონათვალი, რომელთა მოქალაქეებსაც საქართველოს საჰაერო საზღვარზე შემოსვლა ბოლო 72 საათის განმავლობაში ჩატარებული PCR-ტესტის უარყოფითი პასუხის საფუძველზე შეუძლიათ. შესაბამისი გადაწყვეტილება უწყებათაშორისი საკოორდინაციო საბჭომ მიიღო.
საქართველოში, საჰაერო საზღვრის გავლით შემოსვლას დღეიდან შეძლებენ თურქმენეთის, უზბეკეთის, ტაჯიკეთისა და ყირგიზეთის მოქალაქეები ან ბინადრობის უფლების მქონე პირები.
აღნიშნული რეგულაცია ასევე ვრცელდება ვიზიტორებზე ევროკავშირიდან, აშშ-დან, აზერბაიჯანიდან, არაბთა გაერთიანებული საემიროებიდან, ბაჰრეინიდან, ბელარუსიდან, ისრაელიდან, თურქეთიდან, ნორვეგიიდან, რუსეთიდან, საუდის არაბეთიდან, სომხეთიდან, უკრაინიდან, ყატარიდან, ყაზახეთიდან, შვეიცარიიდან.
აღნიშნული ქვეყნებიდან საქართველოში, მათ შორის ტრანზიტულად შემოსვლის შემთხვევაში, მოქალაქე ან რეზიდენტმა ვიზიტორებმა უნდა წარადგინონ 72-საათიანი ვალიდურობის მქონე PCR-ტესტის ნეგატიური პასუხი და ქვეყანაში შემოსვლის შემდეგ, მესამე დღეს, საკუთარი სახსრებით სავალდებულოდ ჩაიტარონ PCR-ტესტი.
