ხვიჩა კვარაცხელიამ ყაზანის „რუბინთან“ კონტრაქტი გაწყვიტა – ამის შესახებ იტალიურ ინტერნეტ-პორტალ SerieANews-თან ბათუმის „დინამოს“ სპორტულმა დირექტორმა ლადო დვალიშვილმა განაცხადა – მისი თქმით, ხვიჩა კვარაცხელიამ გუნდთან ორწლიანი კონტრაქტი გააფორმა. ამ ინტერვიუში ასევე საუბარია იმ ფორმულაზე, რომლითაც კვარაცხელია სამშობლოში დაბრუნდა.
„კვარაცხელიას აგენტი ჩემი ძველი მეგობარია. მითხრა, რომ ბათუმში წაყვანის საშუალება გვქონდა, გამიხარდა და მაშინვე დავთანხმდი. შემდეგ კონტრაქტზე ხელი მოვაწერეთ, მომავალი ზაფხული კი ძალიან საინტერესო იქნება მისი მომავლისთვის. ხვიჩა და მისი მენეჯერი წყვეტენ, კვარაცხელია სად წავა. ჩვენ მისი დამატების ფანტასტიკური შანსი გვქონდა და ეს ხელიდან ვერ გავუშვით. ის ყოფილ კლუბთან კონტრაქტის გაწყვეტის შესახებ შეთანხმდა. ხვიჩა ჩვენთან თავისუფალი აგენტის სტატუსით მოვიდა და ყაზანის „რუბინში“ აღარ დაბრუნდება“, – განაცხადა ლადო დვალიშვილმა იტალიურ ინტერნეტ-პორტალთან.
