გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
EPP: სააკაშვილის ჯანმრთელობაზე პასუხისმგებელი ოცნებაა - მოვუწოდებთ, გადაიყვანონ კლინიკაში
05.05.2022 ნახვები: 517
ევროპის სახალხო პარტია შეშფოთებულია საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის გამო, რაც მათი თქმით, საქართველოს ხელისუფლების პასუხისმგებლობაა, და ქართულ ოცნებას მის შესაბამის სამკურნალო დაწესებულებაში გადაყვანისკენ მოუწოდებს.
პარტიის განცხადებით, საქართველოს ხელისუფლებამ უნდა გაიაზროს სიტუაციის სერიოზულობა და სიმძიმე. პარტია მთავრობას ახსენებს, რომ სააკაშვილისადმი მოპყრობა და მისი ჯანმრთელობის შესაძლო გაუარესება ლაკმუსის ქაღალდი იქნება საქართველოს ხელისუფლების მხრიდან ადამიანის უფლებებისადმი პატივისცემისა და დემოკრატიული მისწრაფებების შეფასებისას.
ევროპის სახალხო პარტია ასევე გმობს საქართველოს ხელისუფლების მხრიდან ოპოზიციის, სახალხო დამცველისა და სამოქალაქო საზოგადოებისადმი დეფამაციის მცდელობებს.
„საქართველოს ხელისუფლებაა პასუხისმგებელი საქართველოს მესამე პრეზიდენტის ფიზიკურ და მენტალურ ჯანმრთელობაზე. ეს არა პოლიტიკური არჩევანი, არამედ ადამიანის ძირითადი უფლებაა.
ჩვენ ვგმობთ მმართველი პოლიტიკური ლიდერების დეფამაციურ თავდასხმებს ოპოზიციის, სახალხო დამცველის, დამოუკიდებელი ექიმებისა და სამოქალაქო საზოგადოების წინააღმდეგ.
ჩვენ მოვუწოდებთ მმართველ პარტიას, ქართულ ოცნებას, რომ გაიაზროს სიტუაციის სერიოზულობა და სიმძიმე და შესაძლო შეუქცევადი შედეგები.
მოვუწოდებთ პასუხისმგებელ პირებს, დაუყოვნებლივ გადაიყვანონ ყოფილი პრეზიდენტი სააკაშვილი საქართველოში შესაბამის საავადმყოფოში, ან საზღვარგარეთ ჰუმანიტარული მიზნებით, სადაც ის შეძლებს კვალიფიციური მკურნალობისა და რეაბილიტაციის მიღებას.
ყოფილი პრეზიდენტისადმი არასათანადო მოპყრობა, მისი დაინვალიდება ან სიკვდილი საქართველოს ხელისუფლებისთვის ლაკმუსის ქაღალდი იქნება ადამიანის ძირითადი უფლებების პატივისცემის, ისევე როგორც მნიშვნელოვანი ევროპული მისწრაფებების კუთხით.“ - წერია ევროპის სახალხო პარტიის განცხადებაში.
ევროპის სახალხო პარტია ევროკავშირში ყველაზე დიდი პარტიაა და მოიცავს 81 პარტიას, პარტნიორებს 43 ქვეყნიდან, ევროკომისიის პრეზიდენტს, ევროპარლამენტის პრეზიდენტს, ევროკავშირის 8 ქვეყნის და ბლოკის მიღმა 3 ქვეყნის ხელისუფლების ხელმძღვანელებს, ევროკომისიის 9 წევრსა და ევროპარლამენტის უდიდეს ჯგუფს.
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
