ჩინეთის თავდაცვის მინისტრი ვეი ფენგე თვლის, რომ ნატო-რუსეთის მოლაპარაკებებს შეუძლია უკრაინაში ომის დასრულება. ამის შესახებჩინეთის თავდაცვის მინისტრმა ვეი ფენგემ სინგაპურში Dialogue Shangri-La კონფერენციაზე განაცხადა.
მისი თქმით, შეერთებულმა შტატებმა და ნატომ უნდა გამართონ მოლაპარაკებები რუსეთთან, რათა „რაც შეიძლება მალე შეიქმნას პირობები ცეცხლის შეწყვეტისთვის“.
ამასთან, მან ხაზგასმით აღნიშნა, რომ ჩინეთს არ ჰქონდა სამხედრო შეთანხმება რუსეთთან.
"ეს არის პარტნიორობა და არა გაერთიანება. ურთიერთობები რუსეთთან გაგრძელდება. ჩვენ რუსეთს არ გავუწიეთ რაიმე სამხედრო ან მატერიალური მხარდაჭერა [უკრაინის წინააღმდეგ ომის დროს]", - თქვა მან.
მისი თქმით, ჩინეთი პატივს სცემს ყველა ქვეყნის სუვერენიტეტსა და ტერიტორიულ მთლიანობას.
