ამერიკის სახელმწიფო დეპარტამენტისთვის მადლობა არის სათქმელი, რომ ეს ბრიფინგი ჩვენი საკითხით გაიხსნა. ეს იმას ნიშნავს, რომ ჯერ კიდევ აინტერესებთ საქართველო, – ამის შესახებ „გირჩის“ ლიდერმა იაგო ხვიჩიამ საქართველოს პირველ არხს განუცხადა და გუშინ ბრიფინგზე აშშ-ის სახელმწიფო დეპარტამენტის პრესსპიკერის განცხადებები შეაფასა.
მისივე თქმით, ბრიფინგი გზავნილია ხელისუფლების მიმართ, რომ ისინი ელჩს მხარდაჭერას უცხადებენ.
„ჩემი აზრით, ეს ბრიფინგი გასაგები მესიჯიც არის ჩვენი ხელისუფლების მიმართ, რომ ისინი ელჩს მხარდაჭერას უცხადებენ და ელჩის მიმართ შეურაცხყოფას რა შედეგი მოჰყვება, ვნახავთ. ვინაიდან, მოტივაცია არ ვიცი, „ქართული ოცნების“ მხრიდან ელჩის მიმართ ეს ყველაფერი სიგიჟე მგონია, რადგან ვერ ვხვდები, საქართველოში რატომ შეიძლება, ვინმეს უნდოდეს, რომ პარტნიორები დავკარგოთ, დასანქცირებულთა სიაში მოხვედრა, საქართველოდან ამერიკის გასვლა. ვისაც ეს უნდა, სანაცვლოდ რას იღებს? – ამ ყველაფერს ვუყურებ, როგორც სიგიჟეს და ველოდები, რომ „ქართული ოცნება“ აზრზე მოვიდეს ან იქნებ, თვითონ ან გარემოებამ მოიყვანოთ აზრზე“, – განაცხადა იაგო ხვიჩიამ.
