"გადმოფინეთ დროშები 8-12 აგვისტოს!
8-ში, საღამოს 8-ზე გადააყრუეთ ქვეყანა!
-----
მაშინ - 2008 წელს, ამ დღეს, 1-ლი აგვისტოდან მოყოლებული 25 ადამიანი იყო დაღუპული... 5-6 აგვისტოს ოთხი მოკლული და სამი დაჭრილი...
მერე? უნდა გახსოვდეთ რაც მოხდა მერე....
მესმის - სხვა სხვის ომში ბრძენია... მესმის - სხვისი მკვდარი სხვას მძინარე ეგონა.
მესმის - კარგი რა, მოგცლია, რა დროის პატრიოტობას თამაშია....
მაგრამ, მაგრამ... თუ სოლიდარობის ნიშნად შეგვიძლია ქვეყანა გადავალურჯ-ყვითელოთ, იქნებ თუნდაც იმიტომ, რომ საკუთარ თავთან, პატარა ჭინკასთან - რომელსაც სინდისს ვეძახით, ვიყოთ მართლები და რამე ვქნათ 8-12 აგვისტოს.... თუნდაც დროშები გადმოვფინოთ აივნებზე, ფანჯრებზე....
რამე ვქნათ - თუნდაც იმის დასტურად, რომ არ დავნებდებით....
რამე ვქნათ - თუნდაც 8-ში, საღამოს 8-ზე ერთი წუთით გავაჩეროთ მანქანები და გადმოვიდეთ - დავდგეთ და გადავაყრუოთ ქვეყანა სიგნალებით....
რუსთაველზე ან პრეზიდენტის რეზიდენციის წინ, სანთლებით დავწეროთ - დიდება გმირებს!
რამე ვქნათ - თუნდაც იმიტომ, რომ ვიგრძნოთ, ცოცხლები ვართ....
რამე ვქნათ - იმიტომ, რომ ქვეყნის ყველა სტუმარი - მტერ-მიყვარე მიხვდეს - საქართველო ჩვენია!
რამე ვქნათ - რაც გინდათ, ოღონდ - ვქნათ!...",-წერს მირცხულავა "ფეისბუქზე"
