სომხეთის განათლების მინისტრის, ვაგრამ დუმანიანის თქმით, სომხეთი მზად არის, სკოლებში ქართულ ენაზე სწავლების პროცესი დაიწყოს. ამის შესახებ ინფორმაციას სომხური მედია ავრცელებს.
„ჩვენ წელს ზოგიერთ სკოლაში ქართულ ენაზე სწავლების პროცესის დასაწყებად მზად ვართ“, – განაცხადა ვაგრამ დუმანიანმა.
მისივე თქმით, მოსწავლეებს ქართულ ენაზე სწავლა ნებაყოფლობით შეეძლებათ და სავალდებულო არ იქნება.
„საუბარი არ არის მხოლოდ საქართველოსთან მოსაზღვრე რეგიონების სკოლებზე“, – განაცხადა სომხეთის განათლების მინისტრმა.
მისვე თქმით, დეტალებს საზოგადოებას უახლოეს მომავალში მიაწვდიან.
