რუსეთის საოკუპაციო ძალების მიერ უკრაინის ტერიტორიის დაბომბვას მსხვერპლი მოჰყვა.
როგორც უკრაინული მედია წერს, გასული ღამის განმავლობაში რუსეთის არმიის მიერ დონეცკის და ხარკოვის რაიონებში განხორციელებული დაბომბვის შედეგად სამი ადამიანია დაღუპული.
უკრაინის მედის ცნობით, რუსეთი საოკუპაციო ძალებს ხერსონის ოლქში ე.წ. კადიროვის მებრძოლებით აძლიერებს, სადაც დამატებით 1 300 ჯარისკაცი შეიყვანეს.
უკრაინის არმიამ იერიში მიიტანა ლუგანსკის ოლქის ქალაქ კრემანაიაში განლაგებულ რუსეთის სამხედრო ბაზაზე, რის შედეგად რუსეთმა 400-მდე ჯარისკაცი და 100 ერთეულამდე სამხედრო ტექნიკა დაკარგა.
