მორიგი დაპირისპირება საკომიტოტო დარბაზში დაიწყო მას შემდეგ, რაც ხათუნა სამნიძემ ეკა სეფაშვილის მიერ რეგლამენტის წესების დარღვევა გააპროტესტა, რასაც სიტყვიერი დაპირისპირება მოჰყვა დეპუტატებს შორის და იმ დონემდე გაგრძელდა, რომ კომიტეტის თავმჯდომარემ, მიხეილ სარჯველაძემ საკუთარი გაბრაზება მაგიდაზე ხელების დარტყმით გამოხატა, რის შედმეგაც მას ბოდიშს მოხდაც მოუწია.
თუმცა დაპირისპირება ამით არ დასრულებულა და ბოლოს საქმე იქამდე მივიდა, რომ შესვენების შემდეგ დარბაზში დაბრუნებულმა ნატო ჩხეიძემ მიხეილ სარჯველაძეს ზარი მიუტანა, იმის ნიშნად, რომ კომიტეტის თავმჯდომარეს მაგიდაზე ხელები აღარ ებრახუნებინა.
ხელს ნუ ურტყამთ ბატონო მიხეილ, სკოლაში არ ხართ და არც ჩემი მასწავლებელი ხართ, დამრიგებელი, რომელიც არ კადრულობდა ამას, რაც ახლა იკადრეთ თქვენ“. - უთხრა სამნიძემ სარჯველაძეს.
კომიტეტის თავმჯდომარემ კი სამნიძეს ბოდიში მოუხდა და უთხრა, რომ ეს მისი ყურადღების მისაქცევად გააკეთა.
ღმერთმა დამიფაროს თქვენი მასწავლებელი ვიყო, როგორ გეკადრებათ, აბა ყურადღება სხვანაირად ვერ მივიქციე.
მაპატიეთ თუ ნერვებმა მიმტყუნა და მაგიდაზე ხელის დარტყმით მივიქციე თქვენი ყურადღება“.- უპასუხა მიხეილ სარჯველაძემ.
სხდომაზე დეპუტატები სოფიო დემეტრაშვილს უსმენენ.
სახალხო დამცველის კანიდატებთან გასაუბრება მეორე დღეა დეპუტატების დაპირისპირების ფონზე მიმდინარეობს
