ჩვენთვის ეს საკითხი საერთოდ აღარ არის აქტუალური, ჩვენ შევწყვიტეთ კომენტარების გაკეთება პატიმარ სააკაშვილის შესახებ, ეს არის სამართლებრივი საკითხი თავიდან ბოლომდე, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა მიხეილ სააკაშვილის დღევანდელ პროცესთან დაკავშირებით დასმული კითხვის საპასუხოდ განაცხადა.
როგორც მან აღნიშნა, შესაბამისი სახელმწიფო უწყება თვითონ გადაწყვეტს, როცა ამის საჭიროება იქნება, რა განცხადება გაავრცელონ.
„დავასრულეთ რაიმე სახის კომენტირება ამ საკითხებზე. ეს არ არის ჩვენი საკითხი. აქ ამ შეკითხვებს არ უნდა სვამდეთ პოლიტიკოსებთან მაშინ, როცა ეს არის სამართლებრივად განსახილველი საკითხი. შესაბამისი სახელმწიფო უწყება და დაწესებულება თვითონ გადაწყვეტს, როცა ამის საჭიროება იქნება, რა განცხადება გაავრცელონ და რა არა, ამიტომ ჩვენ დავასრულეთ ამ საკითხზე კომენტარი”,- განაცხადა ოხანაშვილმა.
ცნობისთვის, გუშინ პარტია "ქართული ოცნების" თავმჯდომარე ირაკლი კობახიძემ განაცხადა, რომ მიხეილ სააკაშვილის თემის პოლიტიზების მცდელობაა, ამიტომ სააკაშვილთან დაკავშირებით კომენტარს აღარ გააკეთებს.
შეგახსენებთ,
ირაკლი კობახიძის განცხადებით, მიხეილ სააკაშვილის თემის პოლიტიზების მცდელობაა, ამიტომ სააკაშვილთან დაკავშირებით კომენტარს აღარ გააკეთებს.
„რაც შეეხება მიხეილ სააკაშვილს - ცდილობენ ამ თემის პოლიტიზებას, რაც არასწორია, ეს არის ბოლო კომენტარი, რასაც სააკაშვილთან დაკავშირებით ვაკეთებ. დანარჩენი უნდა გადაწყდეს სამართლებრივ ჭრილში. არავითარი პოლიტიკური დატვირთვა ამ თემას არ უნდა მიეცეს. ისინი ფულს ხარჯავენ პოლიტიკური, პიარული კამპანიისთვის, ლობისტებს ქირაობენ. მათი მიზანია პოლიტიზება, ჩვენ კი არ გვინდა ამის პოლიტიზება, ამიტომ სააკაშვილთან დაკავშირებით კომენტარს აღარ გავაკეთებ“, - განაცხადა ირაკლი კობახიძემ.
