ემერიტუსი პაპი, ბენედიქტ მე-16 95 წლის ასაკში გარდაიცვალა. რომის ყოფილი პაპი ვატიკანის რეზიდენციაში გარდაიცვალა. შესაბამის ინფორმაციას წმინდა საყდარი ავრცელებს.
ბოლო დღეების განმავლობაში ბენედიქტ მე-16-ს ჯანმრთელობის მდგომარეობა მკვეთრად იყო გაუარესებული. ოთხშაბათს, ქადაგების დროს, რომის პაპმა ფრანცისკემ მრევლს ემერიტუსი პაპისთვის ლოცვისკენ მოუწოდა.
ბენედიქტ მე-16 კათოლიკური ეკლესიის წინამძღოლი 2005 წლიდან იყო. 2013 წელს ის პირველი რომის პაპი გახდა 600 წლის განმავლობაში, რომელმაც პოსტი დატოვა. მან სიცოცხლის ბოლო წლები ვატიკანის ერთ-ერთ მონასტერში გაატარა.
