თბილისის პოლიციის მთავარ სამმართველოში მომღერალ გია გაჩეჩილაძის (უცნობი) სიძე, გიორგი შარაშიძე მივიდა. ის უწყებაში ადვოკატ გელა ნიკოლეიშვილთან ერთად გამოცხადდა.
გიორგი შარაშიძემ სამართალდამცავებს ჩვენება შინაგან საქმეთა ყოფილ მინისტრ ვანო მერაბიშვილთან დაპირისპირების ფაქტზე უნდა მისცეს, რომელიც 2023 წლის 2 იანვარს, ვაკეში მდებარე ერთ-ერთ აფთიაქში მოხდა.
შარაშიძემ სამმართველოში შესვლამდე მედიასთან კომენტარი არ გააკეთა და აღნიშნა მხოლოდ ის, რომ მას შემდეგ ისაუბრებს, რაც პოლიციის შენობიდან გამოვა.
ცნობისთვის, საქართველოს შინაგან საქმეთა სამინისტრომ შს ყოფილ მინისტრ, ვანო მერაბიშვილთან დაკავშირებით მედიაში გავრცელებული ინფორმაციის საფუძველზე გამოძიება 126-ე მუხლით დაიწყო, რაც ძალადობას გულისხმობს.
