"როგორც კი ქალაქში რაიმე დაიბომბება, ერთად გამოდიან, აწესრიგებენ ქუჩებს, შენობებს და ცდილობენ, ჩვეულებრივ გააგრძელონ ცხოვრება",- ამის შესახებ სოციალურ ქსელში გიორგი ხვედელიანი წერს.
"ომის დაწყების შემდეგ, პირველად ვარ უკრაინაში. გარედანაც ჩანს, თუმცა ადგილზე ხალხს რომ ელაპარაკები, ყოველგვარი გაზვიადების გარეშე, მართლა ცხადად ხვდები, რა შინაარსია სიტყვა გმირობის უკან.
ყველა ადამიანი, ვისაც ბაზაზე, ქუჩაში, მაღაზიაში, თუ კაფეში ვნახულობ და ვესაუბრები, ასხივებს უშიშრობას, თავგანწირვას და გამარჯებისთვის მზადყოფნას. ყველა შეკრული და ძალიან ორგანიზებულია. როგორც კი ქალაქში რაიმე დაიბომბება, ერთად გამოდიან, აწესრიგებენ ქუჩებს, შენობებს და ცდილობენ, ჩვეულებრივ გააგრძელონ ცხოვრება. დღეს ზუსტად ასეთი ადამიანების ერთობლიობაა მრავალმილიონიანი უკრაინელი ხალხი.
გაუმარჯოს მამაც უკრაინელ ხალხს, გაუმარჯოს თავისუფლებისთვის მებრძოლ ყველა უკრაინელ და ქართველ გმირს",-წერს ხვედელიანი
