ირანის თავდაცვის მინისტრის ყოფილი მოადგილე ალი რეზა აკბარი სიკვდილით დასაჯეს. ამის შესახებ „დოიჩე ველე“ წერს.
ირანული მედია სიკვდილით დასჯის კონკრეტული თარიღის მითითების გარეშე წერს, რომ ყოფილი მაღალჩინოსანი ჩამოახრჩვეს.
ირანელ ყოფილ მაღალჩინოსანს ირანისა და ბრიტანეთის ორმაგი მოქალაქეობა ჰქონდა. ალი რეზა აკბარი, რომელიც 2019 წელს დააკავეს, მსჯავრდებული იყო ბრიტანეთის სასარგებლოდ ჯაშუშობასა და კორუფციაში. თავად აკბარი ბრალდებებს უარყოფდა და აცხადებდა, რომ დაზვერვის აგენტები დაკითხვის დროს აწამებდნენ.
ბრიტანეთის ხელისუფლებამ ალი რეზა აკბარის მიმართ ირანის გადაწყვეტილებას „ბარბაროსული რეჟიმის პოლიტიკურად მოტივირებული ქმედება“ უწოდა.
