უახლოეს დღეებში, დასავლეთ საქართველოში კვლავ ძლიერი ქარია მოსალოდნელი, ამის შესახებ გარემოს დაცვის ეროვნული სააგენტოში აცხადებენ.
სააგენტოს ინფორმაციით, 20 იანვრიდან 23 იანვრამდე კოლხეთის დაბლობზე, ზემო იმერეთსა და გორი-სურამის გზის მონაკვეთზე დროგამოშვებით იქროლებს აღმოსავლეთის მიმართულების ძლიერი ქარი.
სინოპტიკოსების ვარაუდით, შესაძლოა, ქარის სიჩქარემ 30 მ/წმ-ს მიაღწიოს.
შეგახსენებთ, რომ 10-14 იანვარს დასავლეთ საქართველოში ძლიერმა ქარმა მნიშვნელოვნად დაზარალა სამეგრელოს, გურიისა და იმერეთის ცალკეული მუნიციპალიტეტების მოსახლეობა.
ასობით სახლი და შენობა ნაგებობა დარჩა სახურავის გარეშე. ქარმა მოგლიჯა ხეები. ქარის შედეგად მოგლეჯილმა ხემ ადამიანის სიცოცხლეთ იმსხვერპლა. დაშავდნენ ადამიანები.
მოსახლეობისთვის მიყენებულლმა ზარალის დათვლა ამ დრომდე მიმდინარეობს.
