უკრაინა მიიღებს „ყველა დახმარებას“, რომელიც მას სჭირდება რუსული ჯარების წინააღმდეგ საბრძოლველად. ამის შესახებ აშშ-ის პრეზიდენტმა ჯო ბაიდენმა თეთრს სახლში განაცხადა. აღნიშნულით მან უპასუხა კითხვას - მხარს უჭერს თუ არა ლეოპარდის ტანკების გაგზავნას უკრაინაში.
”უკრაინა მიიღებს ყველა საჭირო დახმარებას,” - თქვა ბაიდენმა.
აღსანიშნავია, რომ აშშ-ის პრეზიდენტმა ამის შესახებ გერმანიაში, უკრაინის თავდაცვის საკონტაქტო ჯგუფის მერვე შეხვედრის (რამშტაინის ფორმატი) შემდეგ განაცხადა, სადაც დასავლელმა მოკავშირეებმა ვერ მიიღეს გადაწყვეტილება უკრაინისთვის ლეოპარდის ტანკების მიწოდების შესახებ.
თავდაცვის ლიდერები პარასკევს გერმანიაში რამშტეინის საჰაერო ბაზაზე გამართულ შეხვედრაზე შეთანხმდნენ უკრაინაში ასობით ერთეული ჯავშანტექნიკის, სარაკეტო, საარტილერიო და სხვა ტექნიკის გაგზავნაზე.
