ანზორ ბიწაძე - მხარს დავუჭერთ ერთიან კანდიდატს, ჩვენ ვართ მომხრე, იყოს რაც შეიძლება დიდი ოპოზიციური ერთობა
არსად გაქრობას არ ვაპირებთ - გიორგი გახარიამ ქობულეთში პარტიის ოფისი გახსნა
სამედიცინო პერსონალისთვის ვაქცინაცია სავალდებულო უნდა გახდეს - სამედიცინო ასოციაციების გაერთიანება განცხადებას ავრცელებს
,,ყოჩაღ კალა, ამ კამპანიით გამოხვედი არჩევნებზე? - ინგა გრიგოლია მედიის წარმომადგენლების საწინააღმდეგო პლაკატების გაკვრის ფაქტს ეხმაურება
საიტი booking.moh.gov.ge ისევ ხარვეზებით მუშაობს
ხელისუფლება ახალისებს ჟურნალისტების მიმართ ძალადობას - მარიამ გოგოსაშვილი თბილისის ქუჩებში გამოკრულ მედიის წარმომადგენლების პლაკატებზე
პაატა მანჯგალაძე - თვის ბოლოს გვექნება კვლევის შედეგები და ვეტყვით საზოგადოებას, დაასახელებს თუ არა „სტრატეგია აღმაშენებელი“ კანდიდატს
დღეს, დღის ბოლომდე საზოგადოება ძალიან მნიშვნელოვანი პლატფორმის შესახებ გაიგებს - ხატია დეკანოიძე

ირაკლი ზარქუა - ვფიქრობ, ჯიმ რიში შეცდომაშია შეყვანილი

07.21.2021 | 12:11

საპარლამენტო უმრავლესობის წევრის ირაკლი ზარქუას შეფასებით, სენატორი ჯიმ რიში შეცდომაშია შეყვანილი, რადგან ოპერატორის გარდაცვალება 5 ივლისს მომხდარ ცემასთან დააკავშირა.

„ამ დროს ჩვენ გვაქვს დოკუმენტი, ექსპერტული დასკვნა, სადაც მათ შორის „ტვ პირველის" დაქირავებული ექსპერტი ამბობს, რომ ოპერატორის ცემასა და გარდაცვალებას შორის კავშირი არ არის. როდესაც ასეთი მაღალი თანამდებობის ადამიანი ასეთ განცხადებას აკეთებს, მინიმუმ საინფორმაციო ვაკუუმშია", - განაცხადა ირაკლი ზარქუამ.

რაც შეეხება სასამართლოს ნაწილს, ზარქუას თქმით, რეფორმის მიმართულებით გამოწვევები არსებობს.

„ეს არის სასამართლოს მიმართულებით, ამას ჩვენც ვაღიარებთ და ვამბობთ. ამიტომაც არის, რომ ყველა რეფორმა ამისკენაა აქცენტირებული. არ არსებობს იდეალური დემოკრატია და იდიალური სასამართლო სისტემა. ჩვენ ვნახეთ მათ შორის შეერთებულ შტატებშიც ის გამოწვევები, რაც აქვთ, ისევე როგორც ევროპაში. იქ შეხვედრას ესწრებოდა სახელმწიფო მდივნის თანაშემწე, რომელმაც თქვა, რომ საქართველო ეტაპ-ეტაპ რეფორმებს ატარებს, მიდის უკეთესი მომავლისკენ, თუმცა გამოწვევები რჩება და ჩვენ, ყველა უნდა დავეხმაროთ ამ პრობლემის მოგვარებაში. ვეთანხმებით. ჩვენც ვიცით, რომ არის გამოწვევები, მათ შორის სასამართლო, საარჩევნო მიმართულებით და სწორედ ეს რეფორმები ამ გამოწვევების აღმოფხვრას ეხმიანება", - აღნიშნა ირაკლი ზარქუამ.

სენატის საგარეო ურთიერთობათა კომიტეტის წევრი ჯიმ რიში აცხადებს, რომ საქართველოში უკან გადადგმული ნაბჯების გამო შეწუხებულია.

ჯიმ რიშმა ყურადღება გაამახვილა გასულ კვირებში 50-ზე მეტი ჟურნალისტის ცემის ფაქტებზე, ასევე განაცხადა, რომ რამდენიმე მოსამართლე უზენაეს სასამართლოში 19 აპრილის შეთანხმების საწინააღმდეგოდ დანიშნეს.