„სტრატეგია აღმაშენებლის" წევრის პაატა მანჯგალაძის განცხადებით, სამწუხაროდ, „ქართული ოცნება" სერიოზულ დაბრკოლებად იქცა საქართველოს სახელმწიფო ინტერესებისთვის და მოქალაქეების ინტერესებისთვის.
მისივე თქმით, სიტყვის თავისუფლებასთან, სასამართლოსთან და არჩევნებთან დაკავშირებით განსაკუთრებით ბოლო პერიოდში გადადგმულმა ნაბიჯებმა, ქვეყანა კიდევ უფრო დიდი საფრთხის წინაშე დააყენა.
„ამაზე პასუხისმგებელია „ქართული ოცნება". თუ არ არის თავისუფალი სასამართლო, თუ ჟურნალისტებს ქუჩაში დასდევენ თავისუფალი სიტყვის გავრცელების გამო, ეს არის ნებისმიერი ხელისუფლების ფსკერი. ასევე, ამერიკის სენატში გაკეთდა განცხადებები, როცა იყო ლაპარაკი, რომ უზურპირებულია სასამართლო ხელისუფლება ოლიგარქის მიერ. ეს ძალიან მძიმე განცადებებია. ამას აფასებენ ჩვენი ინვესტორები, ვინც საქართველოში შემოსვლას აპირებს. თუ დემოკრატია და სასამართლო არ არის, არანაირი ინვესტიცია არ შემოვა საქართველოში. რეიტინგებში „ნაციონალური მოძრაობის" დროსაც ძალიან მოწინავე ადგილები იყო, მაგრამ ეს არ ნიშნავდა იმას, რომ სიტყვის თავისუფლება იყო", - განაცხადა პაატა მანჯგალაძემ.
