უკრაინაში ომის საბოლოო შედეგის განსასაზღვრად შემდეგი ექვსი თვე გადამწყვეტი იქნება, - ამის შესახებ აშშ-ის ცენტრალური სადაზვერვო სააგენტოს ხელმძღვანელმა, უილიამ ბერნსმა განცახადა.
მისი თქმით, პუტინს სჯერა, რომ შეუძლია უკრაინის განადგურება, მაშინ როცა ევროპას პოლიტიკური დაღლილობა მოერევა და შეერთებულ შტატებს თავგზა აერევა.
„ვლადიმერ პუტინი სერიოზულად არ საუბრობს მოლაპარაკებებზე - გასაღები, როგორც ჩანს, მომდევნო ექვსი თვის განმავლობაში ბრძოლის ველზე იქნება“, - განაცხადა უილიამ ბერსნმა.
ამასთან, აშშ-ის ცენტრალური სადაზვერვო სააგენტოს ხელმძღვანელის ინფორმაციით, მან თავის რუს კოლეგას, სერგეი ნარიშკინს, ნოემბერში განუცხადა, რომ ეს რუსული გაანგარიშება ისეთივე სერიოზული შეცდომაა, როგორიც ომის დაწყების გადაწყვეტილება.
