„ნაციონალური მოძრაობის" გადაწყვეტილებამ, რომ შარლ მიშელის შეთანხმებას ხელი არ მოაწერა, დამატებითი არგუმენტი მისცა „ქართულ ოცნებას", რომელსაც ამ შეთანხმების ჩაშლა სურდა და გარკვეულწილად, საბაბად გამოიყენა „ნაციონალური მოძრაობის" გადაწყვეტილება, რომ დოკუმენტს არ შეერთებოდა, - ამის შესახებ ოპოზიციონერმა დეპუტატმა სალომე სამადაშვილმა განაცხადა.
მისივე თქმით, ამ ვითარებაში შესაძლოა, მართებული იყოს, რომ „ნაციონალურმა მოძრაობამ" შარლ მიშელის დოკუმენტს ხელი მოაწეროს.
„ამ ვითარებაში იმისთვის, რომ „ქართული ოცნება" მარტო დავტოვოთ შეუსრულებელ ვალდებულებებთან და დამატებითი არგუმენტები გამოვაცალოთ, შესაძლოა, „ნაციონალური მოძრაობის" მხრიდან სწორი იყოს, რომ თქვან, უერთდებიან შეთანხმებას და თვითმმართველობის არჩევნები იქნება რეფერენდუმი ქვეყნის მომავალზე, რიგგარეშე არჩევნების ჩასატარებლად შემდეგი პოლიტიკური ნაბიჯი. „ნაციონალური მოძრაობის" მხრიდან მსგავსი განაცხადი დეკლარაციის დონეზე შესაძლოა, პოლიტიკურად იყოს სწორი", - განაცხადა სალომე სამადაშვილმა.
