საქართველოს პარლამენტის წევრი, გიორგი ხოჯევანიშვილი, პარლამენტს და პარტია „საქართველოსთვის“ ტოვებს.
შესაბამისი განცხადება ხოჯევანიშვილის ოფიციალურ ფეისბუქ გვერდზე გამოქვეყნდა.
„მეგობრებო, მინდა გაცნობოთ, რომ ვტოვებ პარლამენტის წევრის მანდატს, ვწყვეტ პოლიტიკურ საქმიანობას და შესაბამისად ვტოვებ პარტია „საქართველოსთვის“ რიგებს. ამ გადაწყვეტილების მიზეზი არის ერთადერთი გარემოება: მაღალი პასუხისმგებლობის განცდა, რომელიც მაქვს ჩემი ამომრჩევლის წინაშე, როგორც გორისა და კასპის მაჟორიტარ დეპუტატს. სამწუხაროდ, დღევანდელი პოლიტიკური რეალობის გათვალისწინებით არ მეძლევა საშუალება ეფექტურად მოვახდინო ჩემი წინასაარჩევნო დაპირებების შესრულება, რაც ჩემი პირდაპირი მოვალეობაა. ჩემთვის, როგორც სახელმწიფო მოხელისთვის, ყოველთვის პრიორიტეტი იყო ხალხის ინტერესების მსახურება და არასდროს წარმოადგენდა რაიმე თანამდებობა თვითმიზანს...
აქვე გარკვევით მინდა განვმარტო, რომ არ ვგეგმავ არანაირ პოლიტიკურ აქტივობას და ვაპირებ საქმიანობა გავაგრძელო კერძო სექტორში.
გულწრფელი მადლობა მინდა გადავუხადო ჩემს ამომრჩეველს, კოლეგებს, თანაგუნდელებს, ასევე ყველა ღირსეულ ადამიანს, ვისთან ერთადაც ვსაქმიანობდი წლების განმავლობაში საჯარო სექტორში ჩვენი ქვეყნის საკეთილდღეოდ. ვრჩები იმ ღირებულებების ერთგული, რის გამოც რთულ პოლიტიკურ პროცესებში შევედი და ამ გზაზე წარმატებას ვუსურვებ თითოეულ თანამოაზრეს. იმედს ვიტოვებ, საქართველო შეძლებს წინსვლას და მალე გახდება ევროსტრუქტურების სრულფასოვანი წევრი!“, - აცხადებს ხოჯევანიშვილი.
გიორგი ხოჯევანიშვილი
--
დაბადების თარიღი:23 აპრილი 1985
- 2006 -დაწესებულება:ივანე ჯავახიშვილის სახელობის თბილისის სახელმწიფო უნივერსიტეტი სპეციალობა:სამართალმცოდნეობის ბაკალავრი
- 2008 - დაწესებულება:თბილისის სახელმწიფო უნივერსიტეტი სპეციალობა:სამართალმცოდნეობის მაგისტრი
- 2016 დაწესებულება:საქართველოს ტექნიკური უნივერსიტეტი
სპეციალობა:სოციალური მეცნიერებების დოქტორი
11-12-2020
საქართველოს X მოწვევის პარლამენტი - პარლამენტის წევრი
- „ქართული ოცნება - დემოკრატიული საქართველო“
- მაჟორიტარული
- №15 მაჟორიტარული საარჩევნო ოლქი
- 2018 - 2020
შიდა ქართლის გუბერნატორი
- 2013 - 2018
შპს მაგთიკომის იურიდიული განყოფილების უფროსი
- 2010 - 2013
სასჯელაღსრულებისა და იურიდიულ საკითხთა სამინისტროსსაერთაშორისო ურთიერთობების დეპარტამენტის უფროსი
- 2008 - 2010
კომუნიკაციის ეროვნული კომისიის უფროსი იურისტი
- 2006 - 2006
იუსტიციის სამინისტროს საერთაშორისო ურთიერთობების დეპარტამენტის სპეციალისტი
