პარტიამ „ლელო საქართველოსთვის" თურქეთში ჰუმანიტარული ტვირთი გაგზავნა.
პარტიის თავმჯდომარის მამუკა ხაზარაძის განცხადებით, დახმარება თურქეთის საელჩოსთან შეთანხმებით გაიგზავნა.
„დღეს ჩვენს მეგობრებთან, ხალხთან, ვინც ძალიან დიდი ტრაგედია განიცადა, ვაგზავნით დახმარების პირველ პარტიას თბილისიდან. ყველაფერი შეთანხმებულია საელჩოსთან და მინდა მადლობა გადავუხადო ყველას, ვინც მონაწილეობა მიიღო ამაში. „ლელოს“ ბათუმის ოფისიდან პირველი პარტია უკვე გაიგზავნა.
ჩვენს თურქ ხალხს ვუსურვებ გამძლეობას. საკმაოდ დიდი ტრაგედია მოხდა და მინდა გავახსენო ყველას, რომ თურქეთი ყოველთვის გვერდში უდგას საქართველოს, როცა რაღაც გაჭირვება გვაქვს. მეგობრობას, თანადგომას და გვერდში დგომას არ აქვს საზღვრები და სწორედ ეს აქტია, რასაც დღეს ჩვენ ვაკეთებთ", - განაცხადა ხაზარაძემ.
