„ვხედავთ, რომ ასიათასობით ჩვენი მოქალაქე გარბის ქვეყნიდან. დღეს რომ ამბობს ამას გახარია, კარგია. ვფიქრობ, ვინც თავის დროზე ბიძინა ივანიშვილს გულწრფელად დაუჭირა მხარი, ძალიან ბევრი ადამიანი თვლის ასე. კვლევებიც საუბრობს, რომ 80 პროცენტს უნდა ევროკავშირში, არ უნდა, რუსეთის გუბერნია ვიყოთ. 80 პროცენტი და უფრო მეტი მხარს უჭერს უკრაინის გამარჯვებას, რადგან ხალხმა იცის, რომ უკრაინის გამარჯვება ნიშნავს ჩვენი ქვეყნის გამარჯვებას, ჩვენი ქვეყნის ტერიტორიული მთლიანობის აღდგენის პერსპექტივას. ეს კარგად ესმის ჩვენს მოსახლეობას. დარწმუნებული ვარ, რომ გახარიას მსგავსად კიდევ სხვა ყოფილი „ქართული ოცნების“ მხარდამჭერებიც თუ მაღალი თანამდებობების პირებიც ფიქრობენ, სწორია გახარია რასაც ამბობს“, – განაცხადა ხაბეიშვილმა.
ამასთან, ხაბეიშვილის თქმით, გიორგი გახარიას განცხადება, რომ „ნაციონალური მოძრაობას“ მხოლოდ მიხეილ სააკაშვილი აინტერესებს, არ არის სწორი.
„ჩემი აზრით, პოლიტიკურად უმწიფარი უნდა იყოს ადამიანი, რომ ევროკავშირის რეზოლუცია არ გაითვალისწინოს, არ ჩაიხედოს მასში და არ ამოიკითხოს, რაზე საუბრობს ევროკავშირის რეზოლუცია. იქ საუბარია, რომ პრეზიდენტ სააკაშვილის წინააღმდეგ ხორციელდება ვენდეტა და ამ ვენდეტას ახორციელებს ბიძინა ივანიშვილი. ბიძინა ივანიშვილი არის ქვეყნის მოღალატე და პრეზიდენტი სააკაშვილი არის პუტინი ტყვე. შესაბამისად, ეს არ არის მაინცდამაინც დიდი პოლიტიკოსის განცხადება“, – განაცხადა ხაბეიშვილმა.
პარტია „საქართველოს“ ლიდერმა, გიორგი გახარიამ დღევანდელ ბრიფინგზე განაცხადა: „ევროპულ მომავალს საფრთხეს უქმნის ხელისუფლება, „ნაციონალები“ მზად არიან, ევროპული მომავალი გაცვალონ სააკაშვილის თავისუფლებაში, ეს წითელი ხაზები ქვეყნის ეროვნულ ინტერესზე გადის“.
