დღეიდან, 18 აგვისტოდან, საქართველოს ეროვნულ უნივერსიტეტში მასობრივი ვაქცინაციის ცენტრი გაიხსნება - ინფორმაციას საქართველოს ჯანდაცვის სამინისტრო ავრცელებს.
უწყების ცნობით, ვაქცინაცია შესაძლებელი იქნება „ფაიზერის", „სინოვაკისა" და „სინოფარმის" ვაქცინებით.
„აცრისთვის წინასწარი რეგისტრაციის გავლა საჭირო არ არის. ვაქცინაციის ცენტრი ყოველ დღე (დასვენების დღეების ჩათვლით) 10:00-დან 18:00 სთ-მდე იმუშავებს. COVID-19-ის საწინააღმდეგო ვაქცინაცია ინფექციისაგან თავდაცვის ეფექტური და უსაფრთხო საშუალებაა", - აცხადებენ ჯანდაცვის სამინისტროში.
