ვფიქრობ, ეროვნული ბანკი და საქართველო უნდა იყოს ამაყი, რომ მას ჰყავდა პროფესიონალი და გამოცდილი ხელმძღვანელი, რომელიც დამოუკიდებლად მართავდა ბანკს, მიუხედავად სხვადასხვა პოლიტიკური სიტუაციისა, – ამის შესახებ საქართველოში აშშ-ის ელჩმა, კელი დეგნანმა განაცხადა.
ელჩის თქმით, აშშ ამაყობს, რომ ამ პერიოდის განმავლობაში შეძლო და მხარი დაუჭირა ეროვნულ ბანკს და მის ხელმძღვანელს.
„ჩემთვის ძალიან დიდი პატივია, რომ დღეს ვიმყოფები აქ და აღვნიშნავთ ამ მნიშვნელოვან დღეს. აშშ ამაყობს, რომ ამ პერიოდის განმავლობაში შეძლო და მხარი დაუჭირა ეროვნულ ბანკს და მის ხელმძღვანელს, კობა გვენეტაძეს. ეს მხარდაჭერა იყო ძალიან მნიშვნელოვანი. მხარი დაუჭირა ეროვნულ ბანკს და მის ხელმძღვანელს, რომელიც არის პროფესიონალი, მოქმედებდა დამოუკიდებლად და იღებდა ძალიან გამბედავ გადაწყვეტილებებს ეკონომიკის სტაბილურობის ინტერესით. დღევანდელ დღეს წარმოდგენილი სტატისტიკა და ციფრები გვიჩვენებს, რაოდენ პროფესიონალი ბრძანდება ბატონი კობა და როგორ დამოუკიდებლად და ეფექტიანად მართავდა შვიდი წლის განმავლობაში ბანკს, რის შედეგადაც საქართველოში იქნა მიღწეული ეკონომიკური სტაბილურობა, ეკონომიკური ზრდა და მიღებულ იქნა ისეთი გადაწყვეტილებები, რასაც ექნება ხანგრძლივი მოქმედება. იყო ისეთი ინიციატივები, რაც ძალიან მნიშვნელოვან როლს ითამაშებს საქართველოს ეკონომიკის სტაბილურობაზე და ეს ყველაფერი იყო შესაბამისობაში საუკეთესო საერთაშორისო სტანდარტებთან. ვფიქრობ, რომ ეროვნული ბანკი და საქართველო უნდა იყოს ამაყი, რომ მას ჰყავდა ასეთი პროფესიონალი და გამოცდილი ხელმძღვანელი, რომელიც დამოუკიდებლად მართავდა ბანკს, მიუხედავად სხვადასხვა პოლიტიკური სიტუაციისა“, – განაცხადა დეგნანმა.
