ფოთში გაერთიანებული ოპოზიციის მერობის კანდიდატი შეიცვალა - თავდაპირველად დასახელებული კანდიდატი, "ნაციონალური მოძრაობის" დეპუტატის თინა ბოკუჩავას ნაცვლად, ფოთელების მხარდაჭერის მიღებას უპარტიო და უმანდატო გიგი უგულავა შეეცდება.
რა გახდა ამ გადაწყვეტილების მიზეზი და უკავშირდება თუ არა ეს საკითხი პარლამენტის მანდატის (ვერ)დათმობის თემას, ჯერჯერობით უცნობია.
"ნაციონალუერ მოძრაობაში" აცხადებენ, რომ გიგი უგულავა მისი დიდი გამოცდილების გამო შეირჩა.
„გადაწყდა გიგი უგულავას კანდიდატურა. დიდი გამოცდილების მქონე ადამიანია, ამიტომაც უნდა მივცეთ ხმა. იცის, რა უნდა გააკეთოს",- განაცხადა „ნაციონალური მოძრაობის" ფოთის ორგანიზაციის თავმჯდომარემ დარეჯან ცხვიტარიამ.
ფოთში გიგი უგულავას ოფიციალური წარდგენა 21 აგვისტოს 18:00 საათზეა დაგეგმილი. შეგახსენებთ, 2020 წლის საპარლამენტო არჩვევნების დროს ფოთში ოპოზიციის ხმების მიღებას "ევროპული საქართველოს" ლიდერი გიგა ბოკერია შეეცადა, თუმცა უშედეგოდ. ასევე წარუმატებლად დასრულდა გიგი უგულავას ბრძოლა მაჟორიტარის მანდატისათვის ზუგდიდში.
