ქალაქი ბახმუტი უფრო მეტად სიმბოლური მნიშვნელობისაა, ვიდრე ოპერატიულის და მისი დაცემა არ ნიშნავს, რომ რუსეთმა სამხედრო უპირატესობა მოიპოვა, – ამის შესახებ ამერიკის შეერთებული შტატების თავდაცვის მდივანმა, ლოიდ ოსტინმა განაცხადა.
„ვფიქრობ, ქალაქს უფრო მეტად სიმბოლური მნიშვნელობა აქვს, ვიდრე ოპერატიული ღირებულებაა. ბახმუტის დაცემა აუცილებლად არ ნიშნავს, რომ რუსეთმა ბრძოლის უპირატესობა მოიპოვა“,- განაცხადა ამერიკის თავდაცვის მდივანმა.
ოსტინის თქმით, თუ უკრაინული ძალები ბახმუტიდან დასავლეთით გადაწყვეტენ განლაგებას, ეს არ იქნება აღქმული როგორც სტრატეგიული უკან დახევა.
