„ქუთაისი იმსახურებს პროგრესს", - განაცხადა დღეს, 21 აგვისტოს, „ნაციონალური მოძრაობის" ქუთაისის მერობის კანდიდატმა ხატია დეკანოიძემ წინასაარჩევნო კამპანიის დაწყებისას. მან მხარდამჭერებს მიმართა და 2 ოქტომბრის რეფერენდუმადწოდებული არჩევნების მნიშვნელობას გაუსვა ხაზი
„2 ოქტომბერს საქართველოს თითოეულმა მოქალაქემ უნდა უთხრას არა ბიძინა ივანიშვილს... ქუთაისი იმსახურებს პროგრესს და ყველას ძალიან კარგად ახსოვს, როგორ დაამცირა ქუთაისი „ქართულმა ოცნებამ", როდესაც მთავარი ადმინისტრაციული ფუნქცია წაართვა" - თქვა დეკანოიძემ.
