„ხალხის ძალის“ წევრი თამარ ჩიბურდანიძე მშვიდობიანი მოქალაქეების დარბევას სოციალურ ქსელში ეხმაურება და წერს, რომ გომელაურმა მასტერკლასი უჩვენა დემოკრატიულ მსოფლიოს.
"ვახტანგ გომელაურის მასტერკლასი დემოკრატიულ მსოფლიოს
აწი რაც არ უნდა მოხდეს, შსს-მ უშეცდომოდ იმუშავა.
ვამაყობთ თქვენით!" - წერს ის.
შეგახსენებთ, რომ სწორედ "ხალხის ძალის" ინიცირებული რუსული კანონპროექტის პირველი მოსმენით მიღების შემდეგ, პოლიციამ გუშინ, რუსთაველის გამზირზე შეკრებილი ხალხი დაარბია, გამოიყენა რეზინის ტყვიები, ცრემლსადენი გაზი და წყლის ჭავლი. მაშინ, როდესაც რობოკოპები მშვიდობიან მოქალაქეებს უსწორდებოდნენ, პარლამენტიდან სახელისუფლებო დეპუტატებს მშვიდად აპარებდნენ.
