„მკაცრად ვგმობ ქაბულში მომხდარ ტერაქტს," - აცხადებს საქართველოს პრეზიდენტი, სალომე ზურაბიშვილი, რომელიც ქაბულის აეროპორტში გუშინ, 26 აგვისტოს მომხდარ თავდასხმას „ტვიტერში" ეხმიანება.
„მკაცრად ვგმობ ქაბულში მომხდარ ტერაქტს. ვლოცულობ იმ ავღანელი სამოქალაქო პირებისა და ამერიკელი სამხედროებისთვის, რომლებიც თავდასხმის მსხვერპლნი გახდნენ. საქართველო განაგრძობს წვლილის შეტანას ევაკუაციის პროცესის მხარდაჭერაში და ძალადობის წინააღმდეგ სოლიდარობას გამოხატავს,"- წერს ზურაბიშვილი „ტვიტერში".
შეგახსენებთ, გუშინ ქაბულის აეროპორტთან მომხდარ აფეთქებებს 100-ზე მეტი ადამიანი ემსხვერპლა, მათ შორის 13 ამერიკელი ჯარისკაცია
