გიული ალასანია - პოლონელი ექიმები ჩამოსასვლელად მზად არიან, მაგრამ ვერ ჩამოდიან - როგორც ჩანს, ნებართვა არ აქვთ
19.03.2023 ნახვები: 433
საქართველოს მესამე პრეზიდენტის დედის, გიული ალასანიას განცხადებით, მიხეილ სააკაშვილის ჯანმრთელობის მდგომარეობის შესაფასებლად, საქართველოში პოლონელი ექიმები ჩამოსასვლელად მზად არიან.
მისი ვარაუდით, პოლონელ ექიმებს ნებართვა არ აქვთ, რის გამოც ისინი ამ დრომდე საქართველოში „ვერ ჩამოდიან.“
“სამწუხაროდ, პოლონელი ექიმების ბევრი არაფერი არ ვიცი. ვიცი, რომ უნდა ჩამოსულიყვნენ, ჩემთვის ცნობილია, რომ ისინი ჩამოსასვლელად მზად არიან, მაგრამ ფაქტია, რომ ვერ ჩამოდიან. როგორც ჩანს, მათ ნებართვა არ აქვთ, თორემ ამდენი ხანი ხომ ჩამოვიდოდნენ. იქიდან ყველანაირი მზადყოფნა იყო, ფოტიგა იგივეს ლაპარაკობდა, სტრასბურგში ვიყავით და ყველა იმავეს გვეუბნებოდა. ფაქტია, რომ ეს ექიმები ვერ ჩამოდიან“, - განაცხადა ალასანიამ.
