პარტნიორების წრე, რომლებიც მზად არიან, ერთად იმუშაონ, რომ რუსეთი დაისაჯოს აგრესიისთვის, ფართოვდება, – ამის შესახებ ყოველდღიურ მიმართვაში უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, ავსტრიის კანცლერთან და ირლანდიის პრემიერ-მინისტრთან სატელეფონო საუბრისას, მან მათ მადლობა გადაუხადა, რომ მათი ქვეყნები შეუერთდნენ ჯგუფს, რომელიც მუშაობს რუსეთის აგრესიის გამოსაძიებლად სპეციალური ტრიბუნალის შექმნაზე.
„პარტნიორების წრე, რომლებიც მზად არიან, ერთად იმუშაონ, რომ რუსეთი დაისაჯოს აგრესიისთვის, გარდაუვალად ფართოვდება და დასჯის პერსპექტივას სულს უფრო რეალურს ხდის. არ არის საკმარისი მხოლოდ დამნაშავეების პასუხისგებაში მიცემა. საჭიროა ასევე სამართლიანი და კანონიერი სასჯელი ყველაზე თავდაპირველი დანაშაულისთვის, რომელმაც შვა ამ ომის ყველა სხვა დანაშაული. ამას უზრუნველყოფს სპეციალური ტრიბუნალი. ყოველდღე ჩვენ მის შექმნას ვაახლოებთ. სხვათა შორის, დღეს ეს საკითხი, ასევე სისხლის სამართლის საერთაშორისო სასამართლოსთან ჩვენი ერთობლივი მუშაობა, განიხილებოდა ლონდონში, ევროპის იუსტიციის მინისტრების კონფერენციაზე. კონფერენციის მონაწილეებს მივმართე და მოვუწოდე მათ, მხარი დაუჭირონ საერთაშორისო ძალისხმევის ყველა ელემენტს, რომ აგრესორი ნამდვილად დაისაჯოს“, – განაცხადა ზელენსკიმ.
ზელენსკიმ ასევე მადლობა გადაუხადა ევროპელ პარტნიორებს საარტილერიო ჭურვების მიწოდების გადაწყვეტილებისთვის. მისი თქმით, ეს არის სტრატეგიული ნაბიჯი.
ამას გარდა, ზელენსკიმ მადლობა გადაუხადა აშშ-ს სამხედრო დახმარების მორიგი პაკეტისთვის.
