რუსეთის პრეზიდენტმა, ვლადიმერ პუტინმა ხელი მოაწერა განკარგულებას, რომლის მიხედვითაც შესაძლებელი იქნება უკანონოდ ანექსირებულ უკრაინის ტერიტორიებზე მცხოვრები იმ უკრაინელების დეპორტაცია, რომლებიც რუსეთის მოქალაქეობის მიღებაზე უარს განაცხადებენ.
მედიის ინფორმაციით, ეს ადამიანები უნდა გახდნენ რუსეთის მოქალაქეები, ან განაცხადონ, რომ არსებული მოქალაქეობის შენარჩუნება სურთ და უარი თქვან რუსეთის მოქალაქეობაზე.
განკარგულების თანახმად, ასეთი მოქალაქეები ოკუპურებულ ტერიტორიებზე ცხოვრების უფლებას 2024 წლის 1 ივლისამდე ინარჩუნებენ, სამომავლოდ კი უცხოელებად ჩაითვლებიან. მეტიც, თუ ასეთი ადამიანები „ეროვნულ უსაფრთხოებას“ ემუქრებიან, გეგმავენ ექსტრემისტულ და ტერორისტულ დანაშაულებს, ისინი შეიძლება გააძევონ.
შეგახსენებთ, 2022 წლის შემოდგომაზე რუსეთის ხელისუფლებამ ოთხი უკრაინის რეგიონის დონეცკის, ლუგანსკის, ზაპოროჟიესა და ხერსონის, ანექსია გამოაცხადა.
