„ნიკა მელია დებატებიდან ნებისმიერი მიზეზით შეიძლება გასულიყო, თუმცა ძალადობის ატმოსფეროს მიზეზით არა", - განაცხადა დღეს, 22 სექტემბერს, საქართველოს პარლამენტის პირველმა ვიცე-სპიკერმა, გია ვოლსკიმ.
მისივე თქმით, საჭიროა საუბარი ქალაქის პერსპექტივებზე და არა - პოლიტიკურ ინტერესებზე.
„ნიკა მელია დებატებიდან ნებისმიერი მიზეზით შეიძლება გასულიყო, თუმცა არა - იმ მიზეზით, რაც თქვა, თითქოსდა ძალადობის ატმოსფეროს ვერ ეგუება ადამიანი, რომლის პარტიამ არათუ ძალადობა, არამედ სადიზმის გაუგონარი მაგალითი მისცა მსოფლიო ისტორიას. საჭიროა ქალაქზე ლაპარაკი. პერსპექტივაზე და არა იმ პოლიტიკურ ინტერესებზე, რომელიც ამა თუ იმ პოლიტიკურ ძალას აქვს. საინტერესო იყო ნამდვილად, ბევრი კანდიდატი იყო, მაგრამ მთლიანობაში სურათი კარგად დაიხატა, საზოგადოებას ინფორმაცია მიეცა, რასთან გვაქვს საქმე", - განაცხადა გია ვოლსკიმ
