"ოცნების" წევრი ირაკლი ქადაგიშვილი "გამიზნულად გაკეთებულს" უწოდებს ურაინის პრეზიდენტის ვოლოდიმერ ზელენსკი განცხადებას.
ქადაგიშვილის თქმით, ეს არის შურისძიება, რომ საქართველოს რეპუტაცია დაზიანდეს მაშინ, როდესაც კანდიდატის სტატუსის საკითხი ახლოვდება.
მისივე განცხადებით, ზელენსკი, ამ განცხადებით ულტიმატუმს უყენებს დასავლეთს, რომ საქართველოსთვის კანდიდატის სტატუსის მინიჭება მისთვის მიუღებელია.
"ეს არის გამიზნულად გაკეთებული განცხადება. ერთგვარი შურისძიებაა, რომ ერთგვარად დაზიანდეს საქართველოს რეპუტაცია და განსაკუთრებით, როდესაც კანდიდატის სტატუსის საკითხი ახლოვდება, ერთგვარ ულტიმატუმს უყენებს დასავლეთს, რომ საქართველოსთვის კანდიდატის სტატუსის მინიჭება მისთვის მიუღებელი იქნებოდა, ეს არის და ეს მიზანი აქვს ამ განცხადებას ან მეორე მხრივ ის, რომ საქართველომ უარი თქვას თავის პოლიტიკაზე და ესკალაციის გზით წავიდეს რუსეთის ფედერაციასთან". - ამბობს ქადაგიშვილი.
