უკრაინის შეიარაღებული ძალების მთავარსარდალი ვალერი ზალუჟნი აშშ-ის შეიარაღებული ძალების შტატების მეთაურთა გაერთიანებული კომიტეტის ხელმძღვანელს, გენერალ მარკ მილის ფრონტზე არსებულ ვითარებაზე ტელეფონით ესაუბრა და უკრაინის ძალების გარკვეული წარმატებები აღნიშნა.
ამის შესახებ ზალუჟნი ტელეგრამ-არხში წერს.
„ჩვენი ქვეყნის აღმოსავლეთით და სამხრეთით გრძელდება თავდაცვითი და შეტევითი ხასიათის მძიმე ბრძოლები. არის გარკვეული წარმატებები, ვახორციელებთ ჩვენს გეგმებს, მივიწევთ წინ“, – წერს ზალუჟნი.
ზალუჟნის ცნობით, „რამშტაინის“ ფორმატში საკონტაქტო ჯგუფის მორიგი სხდომის წინ მარკ მილისთან განიხილეს პრიორიტეტები უკრაინის არმიისთვის. ზალუჟნის თქმით, მნიშვნელოვანია უკრაინის საჰაერო თავდაცვის და არტილერიის გაძლიერება.
