"ევროპული საქართველოს" ლიდერი გიგა ბოკერია ამაზრზენს უწოდებს რადიკალების დღევანდელ ქმედებას, რასაც პრაიდ ფესტივალის ჩაშლა მოჰყვა.
მისი თქმით, ის რაც დღეს მოხდა არის ივანიშვილის რეჟიმის მმართველობის სახე.
"ეს ამაზრზენი კადრები კიდევ ერთხელ რაც ვიხილეთ, არის სახე ივანიშვილის რეჟიმის მმართველობის, იმ შედეგების რაც ამან მოგვიტანა. არ უნდა მოვიტყუოთ თავი. ზოგადად, ჩვენზე მეტად წარმატებული, ახლო წარსულის თუ აწმყოს ქვეყანაშიც არსებობენ ძალადობისკენ მიდრეკილი ადამიანები თუ შავრაზმული ჯგუფები. აქ საკვანძო არის, რომ ჩვენს შემთხვევაში ეს ხალხი არის მთლიანად ნაწილი ივანიშვილის რეჟმისა და მათი ინსტრუმენტია". - ამბობს ბოკერია.
რადიკალებმა ლისის ტერიტორია დაიკავეს. თავისუფალი ადამიანის სივრცეს ახლა პრორუსულად განწყობილი ძალები აკონტროლებენ. პრაიდის ჩაშლის შემდეგ, მსვლელობაში მონაწილეებმა ფესტივალის სივრცე დაარბიეს. დაშალეს სცენა, ინვენტარის ნაწილი კი დაწვეს. მოწინააღმდეგეთა ჯგუფს პოლიციაა აკონტორლებს, თუმცა შინაგან საქმეთა სამინისტრომ დღეს პროპორციული ძალის გამოყენება მათ შესაჩერებლად.
